Subscribe

RSS Feed (xml)

Powered By

Skin Design:
Free Blogger Skins

Powered by Blogger

အချစ်မရှိတဲ့ နှလုံးသား ခံစားချက်မဲ့ချင်မဲ့နေ အချစ်မရှိတဲ့ ဒီလူသားဟာ ကျောက်ရုပ်တုတစ်ခုအလား...အနှစ်သာရမဲ့နေလေပေါ့....။

Thursday, February 21, 2008

> ဥယာဉ်ထဲ၌ ပွင့်ခွင့်မရသော ပန်းကလေးများ

“ပန်းကလေးများ၏ သဘာဝဟာ အချိန်တန်ရင် ပွင့်လာရစမြဲ” ဆိုသည်မှာ သဘာဝက ပေးသော နိယာမတရားပင် ဖြစ်ပေသည်။ ဖူးပွင့်စ ပန်းကလေးများသည် ပန်းပွင့်အဖြစ်သို့ မရောက်ခင်ကတည်းကပင် ပန်းကလေး၏ သဘာဝအလှကို ဖျက်ဆီးတတ်သော ပိုးကောင်များက ကိုက်ဖြတ်၊ ဖျက်ဆီးတတ်ကြပေသည်။ ထိုနည်းတူစွာ ကျမတို့ လူငယ်များသည် နောင်အနာဂါတ်တွင် နိုင်ငံခေါင်းဆောင်များ ဖြစ်လာနိုင်သော်လည်း စနစ်ဆိုးကြောင့် အညွတ်တလူလူနှင့်တက်လာသော ကျမတို့ လူငယ်များ၏ ဘ၀ရည်မှန်းချက်ကို ဤစနစ်ဆိုးက ဖျက်ဆီးနေပေသည်။

လူငယ်တစ်ဦး၏ အနာဂါတ်လှပရေးသည် မိဘများတွေ တာဝန်ရှိသလို တိုင်းပြည်ကို အုပ်ချုပ်နေသော အစိုးရနဲ့လည်းများစွာ သက်ဆိုင်ပါသည်။ လူငယ်ကောင်းတွေ ပေါ်ထွန်းမှသာ နိုင်ငံကောင်း ဖြစ်လာမည်။ ဤသို့ ဆိုရခြင်းမှာ တိုင်းပြည်တပြည်၏ ဆက်လက်ရှင်သန်၊ ထွန်းကားရေးသည် လူငယ်တို့၏ လက်ဝယ်တွင် ရှိပါသည်။
ယခုဆိုလျှင် အမိမြန်မာပြည်ရှိ လူငယ်များသည် ရေငတ်နေသော ပန်းကလေးများသဖွယ် ပညာများငတ်မွတ်နေရပါသည်။ ပညာကို လွတ်လပ်စွာ သင်ယူပိုင်ခွင့်မရှိပဲ အကန့်အသတ်တခုဖြစ်သာ သင်ယူခွင့်ရပါသည်။ အတန်းပညာ တိုးတက်လာခဲ့သည်နှင့်အမျှ အသိပညာ တိုးတက်မြှင့်မားလာခြင်းမရှိပေ။ မအောင်မနေရ စနစ်ကြောင့် မြန်မာနိုင်ငံရှိ ကျောင်းသား၊ ကျောင်းသူများသည် အရည်အချင်ထက် အရည်အတွက်သာ ပိုမိုများပြားလာခဲ့သည်။

“ပုခက်လွဲသောလက်က တိုင်းပြည်ကို အုပ်ချုပ်နိုင်သည်” ဟု ဆိုရိုးစကားရှိခဲ့သော်လည်း ယခုခေတ် မြန်မာနိုင်ငံ၏အခြေအနေသည် ထိုဆိုရိုးစကားနှင့် ဆန့်ကျင်ဘက်ဖြစ်နေသည်။ လယ်သမားသား၊ သမီးများ လယ်သမား ဖြစ်ရမည်။ တံငါးသည်သား၊သမီးများ တံငါးသည်ဖြစ်ရမည်။ ကူလီထမ်းသား၊ သမီးများ ကူလီဖြစ်ရမည်။ အစိုးရသား၊ သမီးများ အစိုးရဖြစ်ရမည်ဟူသော စနစ်ပင် ဖြစ်ပေသည်။

မြန်မာပြည်အတွင်းတွင် နေထိုင်သော လူငယ်များ၏ ဘ၀သည် စကားပြောရန် ပါးစပ်ပါသော်လည်း စကားမတတ်သော အ အနှင့် တူပေသည်။ အရာရာကို မြင်နိုင်စွမ်းရှိသော်လည်း အကန်းနှင့် တူပေသည်။ အသံကို ကြားနိုင်သောနားရှိ သော်လည်း နားကန်းနေသကဲ့သို့ ပေဖြစ်သည်။ ရင်ထဲရှိ စကားလုံးများကို လွတ်လွတ်လပ်လပ် ပြောဆိုခွင့် မရပေ။ နိုင်ငံတော်တိုးတက်ရေးအတွက် အထောက်အကူပြု စာပေများကို တစ်လုံးတပါးမှ မတွေ့ရ၊ မမြင်ရ။ သတင်းစာ၊ ဂျာနယ်များတွင်လည်း အစိုးရကောင်းကြောင်းစသော လုပ်ကွက်ဇာတ်ဆောင် ဦးစားပေး ရေးသားထား ခြင်းကိုသာ တွေ့ရ၊ မြင်ရပေသည်။ သတင်းစကားများကို ကြားချင်သော် လည်း ကြားခွင့်မရှိပါ။

ထို့ကြောင့် နိုင်ငံတော်တိုးတက်ရေးကို လိုလားသော လူငယ်အချို့သည် မိမိတို့၏ မိသားစုနှင့်မွေးရပ်မြေကို စွန့်ခွာပြီး တိုင်းတပါး၌ မိမိနိုင်ငံ တိုးတက် ရေးအတွက် ရရာပညာကို လေ့လာသင်ယူနေကြပေသည်။

သို့ပါသော်ကြောင့် ကျမတို့လူငယ်လေးများသည် အနာဂါတ်နိုင်ငံ တည်ဆောက်ရေးအတွက် ဒုက္ခများစွာ ရင်ဆိုင်ရသော်လည်း မလျှော့သော စွဲ၊ လုံးလ၊ ၀ိရိယ တို့ဖြင့် မဆုတ်မနှစ် အပတ်တကုတ် ကြိုးစားကာ လှပသော အနာဂါတ်နိုင်ငံတော်ကြီးဆီသို့ ချီတက်သွားကြမည်။


မြူနှင်းလေး ..........၊

Read More...

Tuesday, February 19, 2008

> ကရင့် လူထုခေါင်းဆောင် ဆရာကြီး ဖဒိုမန်းရှာ

Read More...

> လူငယ်




လူငယ်ဟူသည်….
အနာဂါတ်ကိုပုံသွင်း
ဘကိုထုဆစ်
အားမာန်စွဲနဲ့
ကိုယ့်အိမ်ကိုယ်ဆောက်
ကိုယ့်လမ်းကိုယ်ဖောက်
ကိုယ့်ဒူးကိုယ်ချွန်
လောကဓံကို
စိန်ခေါ်တဲ့ ပုရစ်ဖူးလေးတွေပါ…။


အားလုံးသော လူငယ်အပေါင်းကို ဂုတ်ပြုထားတဲ့ ကဗျာလေးတစ်ပုဒ်ပါရှင့်....။
မြူနှင်းလေး ......။

Read More...

> အိမ်သစ်လေးသို့


ကျိုးတိုးကျဲတဲ
ဟောင်းအိုယိုင်လဲ
ပြိုလဲလုနီး
ဒီအိမ်ဟောင်းလေးထဲ
ငါ မနေချင်းတော့ဘူး…။

အိမ်သစ်ယာသစ်
သာယာမှုအပြည့်နဲ့
ပြီးပြည့်စုံနေသော
အိမ်သစ်ကလေးဖြင့်
နေချင်ပါသည်..။

အိုဟောင်းနေသော
ဒီအိမ်ကလေးကို
တက်ညီလက်ညီ
တစ်စစီ ဖြိုဖျက်ကြပါစို့လား…။

မင်းတို့တတွေ့
အိမ်သစ်ကလေးနဲ့
နေချင်လိုစိတ်
ရှိလိုပါက
တစ်ဖက်တစ်လမ်း
အုတ်တစ်ချပ် သဲတပွင့်
ထမ်းရွက်ကူညီ
အိမ်သစ်ကလေး
တည်ဆောက်ကြစို့လား…။

မြူနှင်းလေး .....။

Read More...

Monday, February 18, 2008

> မျှော်လင့်ခြင်း

ဆန္ဒများနှင့်အတူ တမ်းတပေမဲ့
လက်ကမ်းကတော့ ဝေးနေဆဲပါ။

ရာသီတွေကပြောင်း
စိတ်တွေကမော
ဒို့တတွေအားလုံး
မျှော်လင့်ချက်နဲ့
အဝေးကနေအဝေး။

ဝေဒနာတွေသာ
ကိုယ်စီပိုက်ထွေး
အားမာန်စွဲဖြင့်
ဆက်ချီတက်မည်…မျှော်လင့်ခြင်းဆီ။

မြူနှင်းလေး......။

Read More...

> ဒို့ဖခင်

လွတ်လပ်ရေးဖခင်ကြီး ဗိုလ်ချုပ်အောင်ဆန်းကို ဂုဏ်ပြုထားသော ကဗျာလေးတစ်ပုဒ်ပါရှင့်.....။ အားလုံးကို မျှဝေခံစားစေချင်လို့ပါ...။


ရိုးသားဖြူစင် ဒို့ဖခင်
စွမ်းအား သတ္တိအပြည့်ရှိ
ရဲရဲရင်ဆိုင် သူ့အားမာန်
စိတ်ထားမွန်မြတ် သူ့ဂုဏ်ရပ်
လူသူအများ အလေးထား
သူ့ရဲ့စိတ်သဘောထား…။

၁၉၄၇ လူတိုင်းမမေ့ဖို့လို
သူပေးခဲ့တဲ့ အသက်၊ သွေး၊ ချွေး
ပြည်သူ့အတွက်ပဲလေ…။

တော်လှန်တိုက်ထုတ် ဂျပန်စုတ်
ပြည်မြန်မာကြီး လွတ်မြောက်ဖို့
ခွန်အားစိုက်၍ တိုက်ထုတ်ရန်
ပြည်သူတို့ တာဝန်ပါ
ရဲရဲတောက် ရင်ဆိုင်ထား
ပြည်သူတို့ရဲ့ အား…။



မြူနှင်းလေး......။

Read More...

> စည်းကမ်း နှင့် ထင်းစည်း

“၀ုတ်….၀ုတ်….၀ုတ်”
ည (၁၂) နာရီထိုးသည့်၌ သာအေးအိမ်မှခွေးမကြီးဟာ တ၀ုတ်ဝုတ်နှင့်အသံကျယ်လောက်စွာ အော်နေလေသည်။ ထိုအခါ နောက်ထပ်အသံတစ်သံထွက်ပေါ်လာ၏။
“ဟေ့…ငါဟောင်တာဘယ်သူ့ခွေးလေးကွ”
ထိုအခါနောက်တစ်ယောက်…
“ဆရာ စကားပြန်တာ ပြောနေပြီး”
“ဘာကွ”
“ဟေး…ဟေး…ပြောတာပြန်နေပြီ ဆရာ”
“အေး ဟုတ်သားပဲ ငါပြောတာကိုက ပြောင်းပြန်ကြီးဖြစ်နေပြီး”
“ပြန်အော်လိုက်မယ်ကွ” “ဟေ့…ငါကိုဟောင်တာဘယ်သူ့ ခွေးလေးကွ ညအချိန်မတော်ကြီး တ၀ူးဝူးနှင့်”
“ဆရာ…ဆရာလည်း ညအချိန်တော်ကြီးလေ”
“အေး…အေး ဟုတ်တယ်ကွ လာလာ မြန်မြန်လစ်မယ်”

နောက်တစ်နေ့တွင် စိန်သန်းသည်ရပ်ကွက်ထဲလှည့်၍ လော်စပီတကာ တစ်ခုနှင့်အော်နေ၏..။
“ကျေးရွာ သူ၊သားများ သိရှိစေရန် အသိပေးကြော်ငြာလိုက်သည်။ ယနေ့ နေ့လည် (၁၂) နာရီ တိတိအချိန်တွင် ဥက္ကဌ ဦးရွှေသန်းအိမ်၌ အစည်းအဝေးပြုလုပ်မည် ဖြစ်ပါသောကြောင့် တစ်အိမ်တစ်ယောက်ကျ မပျက်မကွက် တက်ရောက်ကြပါရန် အသိပေး ကြော်ငြာအပ်ပါသည်။ (ပုံ-ဥက္ကဌ)”


နေ့လည် (၁၂) နာရီထိုးသောအခါ၌ ရပ်ကွက်ရှိလူများ ဦးရွှေသန်းအိမ်သို့ရောက်ရှိလာကြလေသည်။ ထိုအခါ ဥက္ကဌက---။----
“ဒီကနေ့ ရပ်ကွက်လူထုကို စည်းဝေးဖိတ်ခေါ်ရတဲ့အကြောင်းကတော့…ဟော့ စိန်သိန်း ဖတ်ပြလိုက်စမ်းကွ”
“ဟုတ် ဆာ” “အဟမ်း…အဟမ်း” “ဒီနေ့ ရပ်ကွက်လူထုကို အစည်းအဝေး ဖိတ်ခေါ်ရတဲ့ အကြောင်းရင်းကတော့ လတ်တလောအခြေအနေပေါ် မူတည်ပြီးတော့ ထုတ်ပြန်လိုက်ရတဲ့ စည်းကမ်းချက်တွေကို အသိပေးချင်တဲ့ အတွက်ကြောင့် ယခုလိုဖိတ်ခေါ်ရခြင်းဖြစ်ပါတယ်၊ အားလုံးနားထောင်ပေးကြပါ”
“အဟမ်း…အဟမ်း….
နံပါတ် (၁) ရပ်ကွက်ထဲတွင် ဆူပူသောင်းကျန်းမူမပြုလုပ်ရ။
နံပါတ် (၂) ည (၇) နာရီကျော်လျှင် လမ်းမထွက်ရ။
နံပါတ် (၃) မိမိအိမ်သို့ ဧည့်သည်များရောက်ရှိလာပါက ချက်ချင်း လာရောက်အကြောင်းကြားရမည်။
နံပါတ် (၄) ရပ်ကွက်ထဲတွင် အရက် သေစာသောက်စားခြင်း လုံးဝခွင့်မပြု။
နံပါတ် (၅) မိမိအိမ်တွင် မွေးမြူထားသောခွေးများကို စည်းကမ်းတကျ မွေးမြူထားကြရန်။
နံပါတ် (၆) ရပ်ကွက်လုံခြုံရေး တာဝန်သည် ရပ်ကွက်သားတိုင်းတွင် တာဝန်ရှိသည်။
အထက်ဖော်ပြပါ စည်းကမ်းချက်များအား မလိုက်နာပါက ထိရောက်စွာ အရေးယူခြင်းခံရမည်။ (ပုံ..ဥက္ကဌ)”

ထိုစဉ် သာအေးက-----
“ဥက္ကဌ ”စည်း ကမ်း” ဆိုဒါ ဘာလဲ…”
ဥက္ကဌ က----
“ဟေ့ကောင် မင်း ဒါတောင်မသိဘူးလားကွ..၊ မှတ်ထား စည်းကမ်းဆိုတာလေ စလုံးရေးလုံးကြီးတင်ဆံခတ်စည်းရှေ့ကနှစ်လုံးပေါက်စည်း..၊ ကကြီးရေးမသတ်ကမ်းရှေ့ကနှစ်လုံးကမ်း “စည်း ကမ်း” ပေါ့ကွ”
လူထုများက တသောသောထ၍ ရယ်ကြလေ၏..။
ထိုအခါ သာအေးက ထင်းစည်းလေးကို လက်နှင့်ကိုင်မြောက်ပြီးတော့---
“ဥက္ကဌ စည်း ဆိုဒါဒီမှာကြည့်”
သာအေးက သူ့ဘေးနားကရပ်ကွက်သား တစ်ယောက်ကိုခေါ်ပြီး ထင်းစည်းလေးကို ဥက္ကဌ အားလှမ်းပေးခိုင်လိုက်၏..။
“ဥက္ကဌ ကမ်းဆိုတာ အဲဒါကိုပြောတာ”
“စည်းကမ်း ဆိုတာ အဲဒါပဲ ဥက္ကဌ”

မြူနှင်းလေး.....။

Read More...